കൊല്ലം: നിയമസഭാ ഹാളിന്റെ വാതില്ക്കല് ‘ഊതാന് പറഞ്ഞാല് അകം ചിലപ്പോള് കാലിയാകുമെന്ന് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. പിന്നെ വല്ല പോഴന്മാരും മാത്രമേ അകത്തു കാണൂ. ഊത്തുപരിശോധനയെ ഭയപ്പെടാതെ നിയമസഭയില് കയറാന് ധൈര്യമുള്ള എത്ര പേരുണ്ട് ഇവിടെയെന്നു സഭയില് മദ്യപിച്ചെത്തുന്നവരുണ്ടെന്ന മന്ത്രി പി.കെ. ശ്രീമതിയുടെ പ്രസ്താവനയുടെ അടിസ്ഥാനത്തില് വെള്ളാപ്പള്ളി ചോദിച്ചു.
ശുദ്ധയായ ശ്രീമതി ഇക്കാര്യം തുറന്നുപറഞ്ഞപ്പോള് എല്ലാവരും അവര്ക്കെതിരെ തിരിയുകയായിരുന്നെന്നു വെള്ളാപ്പള്ളി അഭിപ്രായപ്പെട്ടു. ചാരായക്കടയില് കള്ളും കള്ളുഷാപ്പില് ചാരായവും വിറ്റുകൊള്ളാന് പറഞ്ഞതു സര്ക്കാര് തന്നെയാണ്. ആദ്യം രാഷ്ട്രീയക്കാര് നന്നാവട്ടെ. എന്നിട്ടു മതി ബാക്കിയുള്ളവരെ നന്നാക്കാന്. മുട്ടിനു മുട്ടിനു ബ്രാണ്ടി ഷോപ്പും ബാറും അനുവദിച്ചതു നിയന്ത്രിച്ചിട്ടു മതി സംസാരം.
കള്ളുഷാപ്പില് നിന്നു വരുമാനം കുറവായതിനാല്, ഒരു കാലത്ത് ഇടതുപ്രസ്ഥാനത്തിനു ചോരയും നീരും കൊടുത്ത ചെത്തുകാരനെ ഇപ്പോള് ആര്ക്കും വേണ്ട – വെള്ളാപ്പള്ളി പറഞ്ഞു. എസ്എന്ഡിപി യോഗം കൊല്ലം യൂണിയന് പ്ളാറ്റിനം ജൂബിലി ആഘോഷം ഉദ്ഘാടനം ചെയ്യുകയായിരുന്നു അദ്ദേഹം
No comments:
Post a Comment